E penn al lestr kourser La Cloture e 1805 edo ar c’habiten Castex o koursial an Anglizien er Mor Karib. En e levr-bourzh e komz eus an hent, doareoù an amzer, eur ha dizeur ar veaj kement hag anv ar bigi kourset hag ar preizhoù da goulz brezel ar c’hourserezh en Antilhez.

Kourserien, hag a veze roet pep a lizher-kours dezho, a veze implijet gant Bro-C’hall evit difenn he morioù. Unan anezho e oa Castex. Seurt teuliadoù zo rouez rak peurliesañ ne veze ket dalc’het al levrioù-bourzh abalamour ma oant prouennoù a gablusted e ken kaz ma vefe tapet ar gourserien gant o enebourien.

Chomet eo al levr-bourzh e-ratre daoust m’eo bet glebiet ha freget un tamm, anat deoc’h.

Keinet e oa bet gant ar pezh a veze kavet e bourzh, da lâret eo : 

-    Lienaj ar gouel evit ar golo 
-    Kordennigoù evit ar c’hevre
-    Follennoù gwriet gant fiselennoù

>>>Gwelet an teuliad niverel<<<

Capitaine Castex, Journal du corsaire La Clôture, 1805

Brest, Mediaoueg François Mitterrand - ar Gabusined, MS 166